Contactoasnabi@asnabi.com
Instagram Facebook-f
Hazte socia/o
Hazte socia/o
Close

Elkartea

Nor gara?

Nafarroako Liburuzainen Elkartea (ASNABI) gaur egun Nafarroako liburutegi publikoetako, liburutegi unibertsitarioetako, eskola liburutegietako eta liburutegi espezializatuetako ehun bat profesionalek osatzen dugu.

ASNABI 1995ean sortu zen, Nafarroako liburutegien sektorearentzat urrezko garaitzat har daitekeen garai batean. Urte haietan, hainbat liburutegik lehen aldiz ireki zizkioten ateak herritarrei, eta bertako profesionalek elkarrekin biltzeko, esperientziak partekatzeko eta elkarlanean aritzeko beharra ikusi zuten. Behar hori bereziki garrantzitsua zen Nafarroa bezalako lurralde anitz eta sakabanatu batean, hala izanik ez baita beti erraza lanbidea partekatzen dugun lankideekin elkartzea.
Horrela sortu zen Nafarroako lehen liburutegi-arloko elkarte profesionala. Hasieratik, ASNABIk gaur egun ere indarrean jarraitzen duten helburuak lortzeko lan egin du: bazkideen formakuntza eta garapen profesionala sustatzea; liburutegiei eta gizartean duten eginkizunari buruzko eztabaida eta hausnarketa etengabe bultzatzea; eta liburutegiek topagune eta integrazio-gune gisa duten funtzioa indartzea, bereziki ziurgabetasunak eta aldaketek markatutako gizarte-testuinguruetan, tolerantzia eta elkartasuna bezalako balioak sustatuz.

Era berean, elkarteak bere jardun eremuarekin lotutako erakundeekiko lankidetza profesionala bultzatzen du, eta harremanak ditu antzeko helburuak dituzten beste elkarte eta erakunde batzuekin, bai Nafarroako Foru Komunitatearen baitan, naiz hemendik kanpo ere.

Bost bazkidek osatutako Zuzendaritza Batzordea ASNABIren kudeaketaz arduratzen da; eguneroko funtzionamenduaz kudeatzaile bat eta batzorde eta lantaldeek, berriz, proiektuak eta jarduerak garatzen dituzte interes profesionaleko hainbat arlotan.

Helburuak

Elkarte honen HELBURU nagusiak bi dira: bazkideen garapen profesionala sustatzea eta Nafarroako Foru Komunitatean gure lanbide-eremuko ikuspegiez eta errealitateez kontzientzia handiagoa hartzen laguntzea. Zehazki:

  • Bazkideen etengabeko formakuntza sustatzea.

  • Bibliotekonomia eta dokumentazioaren sektoreko lan-baldintzak hobetzen laguntzea.

  • Erakunde publiko eta/edo pribatuen eta profesionalen kolektiboaren arteko harremanak eta lankidetzak bideratzeko mekanismoak ezartzea.

  • Sektorearen aitorpen instituzionala eta soziala zaintzea, haren lana sustatuz eta profesionalen ikusgarritasuna indartuz.

  • Beste elkarte profesional batzuekiko lankidetza sustatzea.

  • Bazkideen bozeramaile izatea eta haiek ordezkatzea erakunde ofizialen, instituzioen eta beste elkarte batzuen aurrean.

  • Nafarroako liburutegietako baliabideak hobeki ezagutarazi eta probestea, elkartearen helburuak gizartean zabalduz eta liburutegiak tresna gisa erabiliz gizarteratzea, elkartasuna eta tolerantzia bezalako balioak zabaltzeko.

  • Nafarroako hizkuntza-aniztasuna ere kontuan hartzea eta gureak diren hizkuntzak- eta kultura-ondarea zaintzea eta sustatzea, gainerako hizkuntzak eta kulturak errespetatuz.

Zuzendaritza Batzordea

Ezagutu ASNABIko egungo Zuzendaritza Batzordea eta kontsultatu urteetan zehar elkartearen historian parte izan diren batzordeak.

Dokumentazioa

Estatutuak

Kontsultatu ASNABIren estatutuak elkartearen helburuak, antolaketa eta funtzionamendua eta kideen parte-hartzea arautzen dituzten arauak ezagutzeko.
Jaitsi

Aldee Akordioa

Kontsultatu ALDEErekin egindako akordioa bi elkarteen arteko lankidetza-esparruari eta akordioaren baldintzak ezagutzeko. Deskargatu dokumentu osoa informazio guztia eskuratzeko.
Jaitsi

Nafarroako liburutegiak

Ezagutu Nafarroan dauden liburutegi publikoak, eskolakoak, unibertsitatekoak eta espezializatuak. Bilatu bakoitzari buruzko informazioa eta sartu mapan haien kokapenak aurkitzeko.

Nafarroako liburutegiak